-->
សូមស្វាគមន៍ ! គេហទំព័រ កាសែត ស្ទឹងមានជ័យ / មានទទួលផ្សាយពាណិជ្ជកម្មគ្រប់ប្រភេទ / លោក អោម សម ចាងហ្វាងការផ្សាយ : ទីស្នាកការកណ្តាល / ភូមិឬស្សី២ សង្កាត់ស្ទឹងមានជ័យទី២ ខណ្ឌមានជ័យ-ភ្នំពេញ / ទំនាក់ទំនង / Tel: 093 37 96 12 / 017 93 77 21 / 097 37 86 197 ...
សូមស្វាគមន៍ ! www.kasetstuengmeanchey.co / មានទទួលផ្សាយពាណិជ្ជកម្មគ្រប់ប្រភេទ / លោក អោម សម ចាងហ្វាងការផ្សាយ : ទីស្នាកការកណ្តាល / ភូមិឬស្សី២ សង្កាត់ស្ទឹងមានជ័យទី២ ខណ្ឌមានជ័យ-ភ្នំពេញ / ទំនាក់ទំនង / Tel: 093 37 96 12 / 017 93 77 21 / 097 37 86 197 ...

រដ្ឋមន្រ្តីក្រសួងព័ត៌មាន បានផ្តាំផ្ញើដល់អនុរដ្ឋលេខាធិការក្រសួងព័ត៌ មានថ្មី២រូប ត្រូវបំពេញតួនាទី និងភារកិច្ចដែលរាជរដ្ឋាភិបាល និងក្រសួងព័ត៌មាន ប្រគល់ជូនឱ្យទទួលបានលទ្ធផលល្អ


ចំនួនអ្នកទស្សនា: Views : ចេញផ្សាយថ្ងៃ : Tuesday, July 18, 2023

   រដ្ឋមន្រ្តីក្រសួងព័ត៌មាន បានផ្តាំផ្ញើដល់អនុរដ្ឋលេខាធិការក្រសួង ព័ត៌មានថ្មី២រូប ត្រូវបំពេញតួនាទី និងភារកិច្ចដែលរាជរដ្ឋាភិបាល និងក្រសួងព័ត៌មាន ប្រគល់ជូនឱ្យទទួលបានលទ្ធផលល្អ។ ការផ្ដាំផ្ញើរបស់ឯកឧត្តម រដ្ឋមន្ត្រី ខៀវ កាញារីទ្ធ នៅក្នុងឱកាសទទួលជួបឯកឧត្ដម សុខ ប្រសិទ្ធិ រដ្ឋលេខាធិការ និងជាប្រធានគណៈកម្មាធិការអន្តរជាតិ នៃក្រសួងព័ត៌មាន បានអញ្ជើញដឹកនាំ អនុរដ្ឋលេខាធិការ និងទីប្រឹក្សាចំនួន៣រូប ដែលទើបទទួលបានការតែងតាំងថ្មី ដើម្បីគោរពស្នើសុំអនុសាសន៍មួយចំនួន សម្រាប់បំពេញកិច្ចការងារឱ្យបានល្អ ។

    ឯកឧត្តម សុខ ប្រសិទ្ធិ បានបញ្ជាក់ថា ឯកឧត្តម ជាអនុរដ្ឋលេខាធិការ ទាំង២រូបដែលទើបតែងតាំងថ្មីនេះ គឺមានសមត្ថភាព ចំណេះដឹង និងមានសញ្ញាបត្រពីបរទេស នឹងជួយក្នុងកិច្ចការងារផ្នែកទំនាក់ទំនងអន្តរជាតិ របស់ក្រសួងព័ត៌មាន ។

  នៅក្នុងឱកាសនេះដែរ ឯកឧត្តម គិម ហុង ឯកឧត្ដម អំ តារាវិទូ បានគោរពថ្លែងអំគុណយ៉ាងជ្រាលជ្រៅបំផុតដល់ប្រមុខរាជរដ្ឋាភិបាលកម្ពុជា និង ឯកឧត្តម រដ្ឋមន្រ្តី ខៀវ កាញារីទ្ធ ដែលបានផ្តល់នូវជំនឿទុកចិត្ត ផ្តល់តួនាទីជាអនុរដ្ឋលេខាធិការក្រសួងព័ត៌មាន ។ តាមរយៈការផ្តល់ភាពជឿជាក់នេះ ឯកឧត្តម អនុរដ្ឋលេខាធិការថ្មីទាំង ២ រូប បានប្តេជ្ញាចិត្ត ដើម្បីបំពេញតួនាទី និងភារកិច្ចដែល រាជរដ្ឋាភិបាល និងក្រសួងព័ត៌មាន ប្រគល់ជូនឱ្យទទួលបានលទ្ធផលល្អប្រសើរ ។

  ឯកឧត្តម រដ្ឋមន្រ្តី ខៀវ កាញារីទ្ធ បានធ្វើការផ្តាំផ្ញើដល់ អនុរដ្ឋលេខាធិការក្រសួងព័ត៌មាន ២ រូបថ្មីដែលទើបតែងតាំង ត្រូវរួមសហការសាមគ្គីគ្នា ជាមួយគ្រប់ផ្នែក ក្នុងក្រសួង និងមានកិច្ចសហការទំនាក់ ទំនងល្អជាមួយបណ្តាក្រសួងស្ថាប័ន រួមទាំងបណ្តាប្រទេសដែលមានកិច្ចសហប្រតិបត្តិការជាមួយក្រសួងព័ត៌មាន៕

 


0 comments:

Post a Comment

 
រក្សាសិទ្ធិ ©2022 គេហទំព័រ កាសែត ស្ទឹងមានជ័យ- រក្សាសិទ្ធគ្រប់យ៉ាង- រចនាដោយ: WEBSITE លោក អោម សម ចាងហ្វាងការផ្សាយ : ទីស្នាកការកណ្តាល / ភូមិឬស្សី២ សង្កាត់ស្ទឹងមានជ័យទី២ ខណ្ឌមានជ័យ-ភ្នំពេញ / ទំនាក់ទំនង / Tel: 093 37 96 12 / 017 93 77 21 / 097 37 86 197 ...